TOPIC: Quran >> Translations
Q.Mehrbani karke sufi ke bare me batyen kay sufi islam ke dushman they?
By: Saleem Ahmed Shaikh On: 1/5/2014

1.Brother Saleem Ahmed Shaikh  
Salaamun alaikum  
 
Sufi,Sunni Shia,Alawi wagaira kya they.... kya haiN .......in cheezoN ke baare meiN hamaara anmol waqt barbaad karne ke bajaaye agar hum khud ko reform karke ek accha insaan banne ki koshish kareN to is Murda qaum meiN kuch insaaniyat ki rooh phoonk sakte haiN.  
 
Parwardigaar humse kehta hai keh " Guzri hui ummatoN ke baare meiN humse sawaal nahiN kiya jaayega. unka amal unke saath hai aur hamaara amal hamaare saath "  
 
Mere bhaai firqoN ke farq ne paidaayishi so called musalmaanoN ko barbaad karke rakhdiya hai.  
 
Is zahni qaid se baahar aayenge to Allah ka paighaam roze roushan ki tarah ayaaN ho jaayega.  
 
Hamid Baaqri  
 
Comments by: Hamid Baaqri On: 1/16/2014

 
2.Asslam o alikum: Janab aap ki baat sahi hai lekin maine ye isliye pucha tha k in sufiyo ne an ginat kitabe likh chodi hai jise ummat ka ek bahoot bada tabkha sine se laga kar rakhe hue hai inko samjhane ke liye hame sufiyo ke bare me janan zaru hai varna ye log kahete hi ke Allah ki taraf jane wala rasta waliyo se hokar jata hai aur agar ham tarikh ko janege to aur achese in ka muqabla kar sakte hai.  
jazakallah.
Comments by: Saleem Ahmed Shaikh On: 1/16/2014

 
3.wa alaikumusslaam  
Janaab  
 
Al Kitaab ke ilaawa Jin kitaaboN ko logoN ne apne seene laga rakkha hai woh soofi hoN ya koyi aur..... woh lkya kehte haiN uske baare meiN hameN jaanne ki zaroorat nahiN hai.  
 
Allah ki taraf jaane waala raasta sirf aur sirf insaanoN ki khidmat se hokar guzarta hai.  
 
Jab tak hum insaanoN ki khidmat karte rahenge tabtak Allah ke raaste per rahenge.  
 
HameN kisee ke saath muqaabila nahiN karna hai.  
 
Jis din hum har insaan ko apne jaisa samhjhenge us diN hamaara insaaniyat ki taraf safar shuroo hojaayega aur hum har roz ek accha insaan bante chale jaayenge.  
 
MaiN is safar per bahut dinoN se gaamzan hooN.  
 
Arz kiya hai...  
 
"MaiN haq ka musaafir hooN, jannat hai meri duniya  
rasta hai mera roushan, mousam bhi suhaana hai "  
 
Taalebe ilm  
Hamid Baaqri
Comments by: Hamid Baaqri On: 2/6/2014

 
4.Jazakallha, aapne bahut hi accha jawab diya hai sunkar dill ko kafi tasalli mili aap ka bahoot bahoot shukrya.  
saleem ahmed.
Comments by: Saleem Ahmed Shaikh On: 5/5/2014

 
 AASTANA.COM © 2005-2010